【開箱 Unboxing】微影Tiny《衝上雲霄》機師 Tiny Block

某日行街係 MegaBox 的微影 Tiny，發現有以《衝上雲霄》主角唐亦琛 Captain Tong 為藍本的機師 Tiny Block！

Q for Quarantine，Sydney 的酒店隔離生活

目前 NSW 對海外機組人員採取比以往嚴格的隔離措施。落機後由醫護人員解釋檢疫安排、過關、拎行李，再排隊做痛毒檢測。完成檢測後會貼上大大張紅底白字「Q」字貼紙，由警員帶領行特別通道去搭 Crew Bus 送往指定機組人員隔離酒店。搭上Crew Bus 前大家並不知道酒店安排，連航空公司地勤職員都不知，好有「賣豬仔」的感覺。 

到達酒店門外不可落車，原來大堂有另一間航空公司機組人員未完成入住手續。只可以繼續坐在巴士上等，當時距離 landing 時間已過兩小時有多。頂了一個通宵實在太攰要在位上閉目養神。

警察終於放行，落車拎行李入酒店準備 check in，望錶原來已經 after landing 兩個半小時。

Check in 手續比平時繁複，酒店職員更要額外登記三餐送飯時間。酒店一日三餐由政府資助酒店提供，無選擇，不過如果有食物敏感等特別要求可以提出，亦可於饍食供應時間內要求指定時間。

2020 的歐洲聖誕樹

Season’s Greeting from Heathrow! 以往十二月最期待嘅係去歐洲嘅 Christmas Market，買聖誕飾物飲 Mulled Wine 飲熱朱古力加棉花糖。

瞓酒店的惡夢

人在外地酒店房瞓醒，諗起入職初期經常係酒店驚到發惡夢。獨自一個係酒店房最驚嘅唔係鬼（雖然經常聽 Crew 講佢地嘅經歷），係驚收唔到一個重要電話。

每次 Check in 嘅時候，酒店都會提供我地離開當日嘅 Wake up time 同 Pick up time。Pick up time 就係公司提供去機場嘅 Crew bus 車我地去機場嘅時間，基本上係逾時不候。Wake up time 通常會係 Pick up 前一個鐘，酒店會打電話上房確保嘈醒你。

初時未習慣，經常都好擔心聽完電話又瞓返、聽唔到電話響、酒店漏咗打俾我，擔心到發惡夢夢見自己遲咗趕唔切上機。而且呢一切擔心並非杞人憂天！

機師的工作日常 / 飛行前的地面準備工作（二）

機師討論完燃油量同注意事項後，就要準備飛機啦！首先機師會睇維修紀錄 Tech Log，了解飛機有無任何特別事項需要留意。如果有待修事項，就要確認飛機是否合符規格，可以安全合法地起飛。間中就會有新聞報導乘客見到飛機用膠紙痴痴貼貼，擔心飛行安全。其實大家見到嘅膠紙係專門用於飛機嘅 Speed Tape，合符規格用於暫時性維修，可以抵受高空高速飛行，並非一般嘅封箱膠紙。如果飛機有用到 Speed Tape 的話，都會記錄於上。

Let’s Fly Pink!

十月係國際乳癌關注月，Fly Pink Hong Kong 慈善義賣 Flypink 主題嘅飛機pin、行李牌同 epaulettes 等等，為香港乳癌基金會籌款。公眾都可以購買同捐款㗎！ 

義賣網址 👉🏻 https://bit.ly/flypink2020 

今個月同我一齊 Fly Pink 啦 ♥️

選科的決擇

IG @misspilot.notebook Q&A 有好多人問關於想做機師嘅選科問題。不同航空公司對申請人學歷各有要求，詳情要向相關航空公司查詢。本篇只係分享作為一個中學時期已立志做機師嘅過來人，選科嘅心路歷程同依家嘅感想。

當時對 JUPAS 選科嘅想法： 

• 對文/商科無興趣
• 神科一定無我份可以慳返啖氣
• 對理科/工程/社會科學有興趣

作為一個入世未深單純的中學生，我當時覺得同機師最相關嘅係 Mechanical Engineering 同Electronic Engineering。而且如果真係做唔成機師，做工程師都幾好呀。於是將各大學 ME 同 EE 放係最高排名，而我亦得到三大面試機會。面試嘅時候我都有提及我嘅理想，有一位 Professor 提我就算同一個系，唔同大學都有唔同嘅課程，要睇清楚邊間課程係我想要嘅。

中秋節快樂

橫跨中秋節嘅 Reserve Block 被 call out 飛 San Francisco！因為疫情關係唔可以周圍去，連酒店都唔可以踏出一步，所以今年中秋節就係酒店房獨自食 Burger and Fries。

久違了的返工

腳踏實地左五個月終於再入駕駛艙，大家一切如常地分工合作做 set up、walkaround、security check。Push back、taxi、line up，沿途係一架又一架靜止停泊一旁嘅飛機。 

“V1”

“Rotate”

小 SO 終於都等到啦！

最近一個月都過住比飛更忙嘅生活，因為終於都等到做 upgrade 前嘅 Second Officer Technical Interview 啦！由 SO 升上 JFO，膊頭一條變兩條，要求自然更加高。 而 STI 就係升職前要過嘅第一關，自然對小 SO 意義重大。

如果你身邊有做航空業嘅朋友

平時 15 號出嘅 Roster 尋日終於砌掂出到，四月要做一個 Sim 同一班準備俾人 Burn 嘅 Regional redeye turnaround。呢班機係辛苦嘅，不過講真係目前嘅環境下仲有工返，只係放三星期無薪假仲要分四個月扣確實要感恩。

世界各地航空公司有機師要出半糧三個月、被強制放無薪假三個月或直至另行通知、被 "Stand down" ，甚至被裁員。有人無工返，為左維持收入要去超市做收銀。聽到消息大家都只能講句「頂住呀！」，互相鼓勵大家呢一切好快會過去。

疫症下的香港機場

近日下午時份返港，平日排晒隊繁忙嘅機場非常冷清。早已睇過人地影成排飛機停泊係 taxiway 嘅相，親眼見到感覺份外淒涼。

平日做親嘅機都泊到無雷公咁遠搞到我要 walk don’t run 跟上腳長大佬們，今次唔知係好運定無乜機，竟然泊到去 E1 ！齊聲歡呼 🎉

三更半夜的 Coffee or Tea

朋友成日見我日頭好得閒瞓到日上三竿，其實係因為小妹主要飛歐洲同澳洲，而呢啲航班大部分都係夜機。當乘客們無論係經濟客位好努力地搵個好位瞓覺，或者係商務客位輕輕鬆鬆地平躺入睡，機組人員就默默地燃燒生命工作。應付捱夜，好多人都選擇係返工前瞓得幾耐得幾耐，飛行途中再飲咖啡或茶提神。

致腳長嘅大佬們

話說每次飛完返香港，因為坐左好耐嘅關係，好多機師都會選擇行去入境櫃位。男士們普遍都高大又腳長（尤其是鬼佬）再加上歸心似箭，步伐就更快更大步。自問已經唔算矮嘅我，離開閘口一刻就要做好起跑嘅準備，行到競步咁快都只能僅僅跟上🏃🏻‍♀️

機師的工作日常 / 飛行前的地面準備工作（一）

機師的工作當然係駕駛飛機，但要安全飛到目的地，機師有咩準備功夫要做呢？就等我由飛行前嘅文件準備工作講起啦！每程航班機師都要參考由 Dispatcher 準備好嘅飛行計劃 Flight Plan、天氣預報及 NOTAM 等文件，討論該次飛行嘅注意事項同決定帶幾多噸燃油。

準備投考 Cadet Pilot 問與答

知道好多人準備考 Cadet Pilot 開始時都一頭霧水無從入手，係度同大家分享常見問題同小貼士，希望可以幫到大家解開疑問，早日成功！

＊以下為個人意見，並非任何公司 Official 答案＊