如果你身邊有做航空業嘅朋友

平時 15 號出嘅 Roster 尋日終於砌掂出到，四月要做一個 Sim 同一班準備俾人 Burn 嘅 Regional redeye turnaround。呢班機係辛苦嘅，不過講真係目前嘅環境下仲有工返，只係放三星期無薪假仲要分四個月扣確實要感恩。

世界各地航空公司有機師要出半糧三個月、被強制放無薪假三個月或直至另行通知、被 "Stand down" ，甚至被裁員。有人無工返，為左維持收入要去超市做收銀。聽到消息大家都只能講句「頂住呀！」，互相鼓勵大家呢一切好快會過去。

因應疫情，各國針對入境旅客同 Crew 嘅政策幾乎日日變。航空公司真係日日都計劃趕不上變化，每兩三日就有新 Notice 俾 Crew，Planning 同 Rostering 嘅同事呢排一定忙到出煙。客運航班大幅減少，就算有機飛又擔心疫情，Layover 又可能被減短甚至變 Turnaround 機，無左份 Outport allowance 對好多 Crew 黎講都好傷下。另一邊廂，貨運嘅同事就忙到就算想放無薪假都無得放要密密做。仲有其他部門同事都辛苦啦。

如果你身邊有做航空業嘅朋友，Give him / her a virtual hug! #SocialDistancing

同埋短期內唔好毒我買野，無錢呀 😜