kiss me before flight

Monday, 13 July 2020

Product Empties / L'OCCITANE 櫻花沐浴啫喱



甜甜櫻花味,香味係沐浴後可以 linger 一段時間令人心花怒放,仲可以 bath 用泡泡浴。配上同系列 lotion 香味可以更持久,不過 lotion 有閃粉,好易令睡衣床單都沾到 bling bling。

本身已是回購品。首次接觸係大學時期,不過後來嫌貴無回購(學生無乜購買力)。偶然係 Outlet 遇上正想再次入手之際,發現旅行裝 Promotion 更抵買,而且細細支方便放喼帶去 Layover 用。屋企存貨用晒會回購!
SHARE:

Thursday, 2 July 2020

小 SO 終於都等到啦!

最近一個月都過住比飛更忙嘅生活,因為終於都等到做 upgrade 前嘅 Second Officer Technical Interview 啦!由 SO 升上 JFO,膊頭一條變兩條,要求自然更加高。 而 STI 就係升職前要過嘅第一關,自然對小 SO 意義重大。
SHARE:

Saturday, 20 June 2020

Aviationtag B-HUJ 飛機蒙皮鎖匙扣



作為第一架認得出嘅飛機,對747係有少少情意結嘅。繼 B-HUI 後,Aviationtag 又出左 B-HUJ 嘅 tag ,當然又手刀下單了。

SHARE:

Wednesday, 17 June 2020

Aging Gracefully

朋友講起今日敗家買左以前一路都覺得年紀大先會用嘅牌子,我默默地回應「都無咩牌子對我哋嚟講係 too early to use 㗎啦」。想當年年過二十已經開始覺得青春不再,年過廿五之後更加深深感受到女人唔補好易老。近一年大家直情係重金投資落護膚品,時常聽到「投資落塊面度係有回報㗎!」

男士們可能唔明點解女人要花咁多錢係護膚品。奈何現實係女人比男人殘得快同明顯,就算天生麗質都敵唔過歲月嘅摧殘。不過能夠活著變老係一件幸福嘅事,所以都不求返老還童年年十八(其實都幾恐怖),只求 aging gracefully,老得黎都唔好太殘。

所以,由我買啦。
SHARE:

Wednesday, 13 May 2020

人生最大嘅敵人


唔係時間,係懶惰。

我一腳踩爛你,懶呀啦。
SHARE:

Friday, 27 March 2020

如果你身邊有做航空業嘅朋友



平時 15 號出嘅 Roster 尋日終於砌掂出到,四月要做一個 Sim 同一班準備俾人 Burn 嘅 Regional redeye turnaround。呢班機係辛苦嘅,不過講真係目前嘅環境下仲有工返,只係放三星期無薪假仲要分四個月扣確實要感恩。

世界各地航空公司有機師要出半糧三個月、被強制放無薪假三個月或直至另行通知、被 "Stand down" ,甚至被裁員。有人無工返,為左維持收入要去超市做收銀。聽到消息大家都只能講句「頂住呀!」,互相鼓勵大家呢一切好快會過去。
SHARE:

Saturday, 22 February 2020

疫症下的香港機場


近日下午時份返港,平日排晒隊繁忙嘅機場非常冷清。早已睇過人地影成排飛機停泊係 taxiway 嘅相,親眼見到感覺份外淒涼。

平日做親嘅機都泊到無雷公咁遠搞到我要 walk don’t run 跟上腳長大佬們,今次唔知係好運定無乜機,竟然泊到去 E1 !齊聲歡呼 🎉
SHARE:

Saturday, 18 January 2020

倉鼠用品店@東京


眼見家中小鼠 Yogurt 大部分用品都來自日本,去東京玩當然想去幫 Yogurt 入貨。上網搜尋東京買倉鼠用品好去處,卻發現港台都無比較詳盡的資料。所以今次去完就留個記錄,希望幫到想去日本入貨嘅鼠鼠爸媽,有新資料會持續更新。

池袋 Tokyu Hands

扶手電梯只到七樓,要行樓梯先上到八樓寵物用品部。入口位主要放置貓用品同精品,要行到最入先係倉鼠 Section。零食同主食都有,零食選擇都有好多,價錢似乎比香港平一半有多。用品方面,觀賞籠、木屋、陶瓷屋、配件、玩具等等都有唔少選擇。網友大力推介嘅太空艙,係香港搵左幾次都無入貨或者賣晒,我係度搵到,希望 Yogurt 會鍾意玩。

SHARE:
Blogger Template Created by pipdig