投考見習機師的問與答

間中都會有人問下有關準備考 Cadet Pilot Programme 的問題，與其逐個覆一樣的答案不如寫篇 Q & A，大家可以留言互相交流。做 Sharing 都有遇過有好問題，記得的都同大家分享，參考過可以再問問不同人的意見。另外仲有十萬個令人反白眼反到後腦的問題，例如聽過有人當面問個女機師：「有無女仔做機師？」，在此輯錄俾大家引以為鑑，切勿重蹈覆轍。

杜拜的掟銀大叔

前排新聞報導有乘客為求航程安全，將硬幣擲入引擎內祈福。其實我都有親眼見過有位大叔係隊長面前掟銀架！事緣某次係杜拜跟隊長去買當地特產名牌 Bateel 椰棗（推介 Macadamia 款好好食），店內有一位大叔大量入手。名牌當然賣相要靚，店員逐粒逐粒椰棗幫他排靚仔入盒時，大叔一邊在旁催促：「趕時間去機場呀！」