原來係滅火筒！

係 Jakarta Soekarno-Hatta International Airport 閘口行去 Immigration 路程都好遠吓，本身覺得「行完未呀 😩」。不過行行吓發現原來呢個機場都幾有心思㗎！牆上嘅滅火筒都有壁畫裝飾，唔係好 dull 咁就咁掛上牆。我覺得好靚影咗好多張相，但睇其他旅客好似都係一心衝去 Immigration 無乜人望吓幅牆。

不過靚還靚，我又唔係好肯定真係緊急要用時，一般人留唔留意到原來呢啲係滅火筒 🧯

View this post on Instagram

A post shared by 機師小姐記事簿 (@misspilot.notebook)

Crew Meal

 

話說機師返工時食飯大家要食唔同餐，以免食物中毒呀肚痛呀。咁平時大家都會各自揀下想食乜。如果 order 咗 special meal 嘅，即使人地個餐吸引好多，通常都會食返自己個 meal 嘅（個餐自己揀 🙃）

最近幾班機隊長都叫咗 special meal，咁我無 choice 都好正常。

BUT，除咗早餐，全部都係三文魚。

結果我食咗五日三文魚，有時係一日兩餐。有一次有位 crew 睇完個餐同我講：「唔好意思你下一餐都係三文魚😅」

好彩之後個星期唔係食三文魚啦 🥲

#聽聞最近好多人叫kosher餐

#聽聞其實雪咗好耐唔好食

#我諗都係三文魚啱我啲 

#becarefulofwhatyouwishfor 

機組人員的防疫生活

近日對機組人員的防疫措施進一步收緊，為各位已經心很累的機組人員又再添上一重壓力。甚至傳出有機師穿著制服等巴士前往上班時被人吐口水！

戴定頭盔先，此文並非要抱怨防疫措施，只係想分享機組人員近兩年嘅真實生活，希望大家可以對 crew 多一份體諒尊重。

飛機都要戴口罩 Not Without My Mask

戴口罩已經係香港人嘅日常，但戴口罩嘅飛機又有無見過呢？Cargolux 有一架特別塗裝的 747 貨機，機頭畫上大大個口罩！仲寫上 NOT WITHOUT MY MASK，完美表達呢兩年嘅日子。口罩塗裝係 2020 年嘅作品，不過我都係第一次親眼見到，仲要係香港機場！

2021 都就快完，2022 有無機會唔使戴口罩呢？

LX-VCF has received its very own mask on its iconic nose-door, reflecting the airline’s commitment to the fight against COVID-19. #notwithoutmymask #LXVCFacemask pic.twitter.com/N2dXLfKbyK

— Cargolux Airlines (@Cargolux_Intl) August 23, 2020

怪事發生了！

最近又飛 Sydney，海外機組人員依然要入住由政府安排的隔離酒店。因為要由警察 Escort 去房兼開門，所以無敲門就入房了，當晚怪事就發生了！

凌晨兩點半係床上典左一陣放低手機熄燈準備瞓覺，我再三確認已熄機的電視機突然自己開機，畫面出現酒店的「歡迎辭」。以前都遇過同樣情況酒店職員表示為 System Reboot 深感抱歉，於是只係覺得凌晨兩點半阻住我瞓覺！嬲嬲地影張相發洩下就起身熄機。返上床準備再瞓，突然聽到浴室有疑似水滴聲，滴答…滴答…滴答。正考慮起身去檢查水龍頭，聲音突然轉到近電視機方向，變成類似有蚊飛入捕蚊器的撻撻聲，而且愈來愈大聲愈來愈密，仲感覺到聲音方位有移動……

邊度返黎呀？

 拖住喼搭𨋢遇上清潔姐姐，八卦問我邊度返黎。

「返工呀？邊度返黎呀？」

「係呀，德國返黎。」姐姐秒彈走做角落生物。

「嘩，德國咁危險呀。」
「我做左檢測，陰性呀 😅」（坐咗喺度等左個半鐘呀）
「哦～無事～咁要隔離幾多日呀？」
「我唔使隔離呀因為只係載貨無載客呀。」
「唔使隔離呀？！去德國做咩呀咁危險？」
「返工呀 😅」

挪亞方舟的最終停泊地 Mount Ararat

在萬尺高空飛行其中一個樂趣就是看不一樣的風景，有時候飛過身旁同事的家鄉，同事通常都會興致勃勃地介紹「景點」，例如歐洲最大的湖、澳洲的礦場。某日飛過土耳其，副機長指向附近的雲海中的兩個山峰，「這是挪亞方舟的最終停泊地 Mount Ararat 啊！」

機師與椅墊

逛 IKEA 見到一棟棟椅墊，回憶返晒嚟。飛小型飛機訓練嘅時候，張 Seat 係無法調校嘅。為咗有一個正常視野，唯有加椅墊去墊前/墊高。一般同學仔都係用一至兩個椅墊就夠。

Q for Quarantine，Sydney 的酒店隔離生活

目前 NSW 對海外機組人員採取比以往嚴格的隔離措施。落機後由醫護人員解釋檢疫安排、過關、拎行李，再排隊做痛毒檢測。完成檢測後會貼上大大張紅底白字「Q」字貼紙，由警員帶領行特別通道去搭 Crew Bus 送往指定機組人員隔離酒店。搭上Crew Bus 前大家並不知道酒店安排，連航空公司地勤職員都不知，好有「賣豬仔」的感覺。 

到達酒店門外不可落車，原來大堂有另一間航空公司機組人員未完成入住手續。只可以繼續坐在巴士上等，當時距離 landing 時間已過兩小時有多。頂了一個通宵實在太攰要在位上閉目養神。

警察終於放行，落車拎行李入酒店準備 check in，望錶原來已經 after landing 兩個半小時。

Check in 手續比平時繁複，酒店職員更要額外登記三餐送飯時間。酒店一日三餐由政府資助酒店提供，無選擇，不過如果有食物敏感等特別要求可以提出，亦可於饍食供應時間內要求指定時間。

試飛 Trial Introdutory Flight

報考見習機師計劃前，除了熟讀書本外，我覺得應該至少要去試飛。試飛可以打破幻想親身體驗駕駛飛機的感覺，了解自己是否真的對飛行有興趣，說出 "I love flying" 時都比較有信服力吧。

年假珍貴，學飛亦所費不菲。可以趁旅行花半天去試飛，時間和價錢比起直接學飛兩星期容易接受和負擔，而且可以從高空欣賞當地風景。

那些年坐在 Jumpseat 的我們

飛機的駕駛艙內，除了機長與副機長的座位，另有一般稱為 Jumpseat 的 Observer 座位，係駕駛艙內的第一排（唯一一排）觀眾席。某日同隊長講起年少時有幸坐 Jumpseat 飛了一趟即日來回，當時我對民航機師的認識只限於電影電視劇呈現的畫面。坐在 Jumpseat 的我近距離認識到專業機師的真實工作流程、看到令人內心滾動的駕駛艙三萬尺高空風景，當時我就更加堅定將來要成為一位機師。

2020：最緊要人無事

2019 年尾去日本旅行，當時買口罩盤算兩個人返工有需要先用，諗住一盒就夠，仲要左揀右揀唔係獨立包裝唔要。轉頭踏入 2020 竟然要撲口罩撲消毒清潔用品。稍感安慰係呢個時候朋友之間互相幫大家買物資唔使周圍撲。

然後經歷14日家居隔離，慶幸有 Netflix 煲劇過日晨。 接住開始一段腳踏實地放長假的日子。但其實放假嘅日子都並非日日無所事事，因為終於都等到做 STI 嘅日子！努力温書成功 Pass 咗，不過都要做第 N 次 SO Line Check，然後繼續等 Upgrade Course。

下半年開始飛返，不過就算飛到外地其實都係強制性 Staycation，要乖乖留係酒店。記得第一轉 Layover 留五日，當時覺得係酒店睇 Netflix 上網睇書耍廢好快過。原來隔離嘅孤獨感會累積，慢慢由五日覺得輕鬆變成「三日夠了」，然後係第二日已經係床上耍廢耍到「仲有咩可以做呀？」除咗係外地要 Staycation，返到香港都要去酒店繼續隔離等檢疫結果。

2020 的歐洲聖誕樹

Season’s Greeting from Heathrow! 以往十二月最期待嘅係去歐洲嘅 Christmas Market，買聖誕飾物飲 Mulled Wine 飲熱朱古力加棉花糖。

瞓酒店的惡夢

人在外地酒店房瞓醒，諗起入職初期經常係酒店驚到發惡夢。獨自一個係酒店房最驚嘅唔係鬼（雖然經常聽 Crew 講佢地嘅經歷），係驚收唔到一個重要電話。

每次 Check in 嘅時候，酒店都會提供我地離開當日嘅 Wake up time 同 Pick up time。Pick up time 就係公司提供去機場嘅 Crew bus 車我地去機場嘅時間，基本上係逾時不候。Wake up time 通常會係 Pick up 前一個鐘，酒店會打電話上房確保嘈醒你。

初時未習慣，經常都好擔心聽完電話又瞓返、聽唔到電話響、酒店漏咗打俾我，擔心到發惡夢夢見自己遲咗趕唔切上機。而且呢一切擔心並非杞人憂天！

機師的工作日常 / 飛行前的地面準備工作（二）

機師討論完燃油量同注意事項後，就要準備飛機啦！首先機師會睇維修紀錄 Tech Log，了解飛機有無任何特別事項需要留意。如果有待修事項，就要確認飛機是否合符規格，可以安全合法地起飛。間中就會有新聞報導乘客見到飛機用膠紙痴痴貼貼，擔心飛行安全。其實大家見到嘅膠紙係專門用於飛機嘅 Speed Tape，合符規格用於暫時性維修，可以抵受高空高速飛行，並非一般嘅封箱膠紙。如果飛機有用到 Speed Tape 的話，都會記錄於上。

機師日常 ABC - Pilot’s Alphabet

機師日常用無線電溝通嘅時候，有時會需要讀出英文字母，例如串出一個 waypoint 嘅名。假設要串嘅係 Pilot ，我哋唔會直接讀 P-I-L-O-T，亦都唔係 P for Pizza, I for Ice cream。機師會用嘅係International Radiotelephony Spelling Alphabet，又名 NATO Phonetic Alphabet 或 ICAO Phonetic Alphabet。

Thank you for the flight

一朝早飛完 Long Haul，返到屋企整頓好就收到公司重組嘅正式消息，感覺好震驚好難過好可惜。雖然唔係港龍員工但對港龍有一份情意結嘅我，得知港龍即日停止營運覺得好震驚。作為航空界嘅一份子，諗到好多可能曾經係機場擦身而過嘅同業、相識嘅朋友突然前路茫茫覺得好難過。作為香港人，睇住一間代表香港嘅航空公司退出舞台，難免覺得好可惜。

Let’s Fly Pink!

十月係國際乳癌關注月，Fly Pink Hong Kong 慈善義賣 Flypink 主題嘅飛機pin、行李牌同 epaulettes 等等，為香港乳癌基金會籌款。公眾都可以購買同捐款㗎！ 

義賣網址 👉🏻 https://bit.ly/flypink2020 

今個月同我一齊 Fly Pink 啦 ♥️

選科的決擇

IG @misspilot.notebook Q&A 有好多人問關於想做機師嘅選科問題。不同航空公司對申請人學歷各有要求，詳情要向相關航空公司查詢。本篇只係分享作為一個中學時期已立志做機師嘅過來人，選科嘅心路歷程同依家嘅感想。

當時對 JUPAS 選科嘅想法： 

• 對文/商科無興趣
• 神科一定無我份可以慳返啖氣
• 對理科/工程/社會科學有興趣

作為一個入世未深單純的中學生，我當時覺得同機師最相關嘅係 Mechanical Engineering 同Electronic Engineering。而且如果真係做唔成機師，做工程師都幾好呀。於是將各大學 ME 同 EE 放係最高排名，而我亦得到三大面試機會。面試嘅時候我都有提及我嘅理想，有一位 Professor 提我就算同一個系，唔同大學都有唔同嘅課程，要睇清楚邊間課程係我想要嘅。

中秋節快樂

橫跨中秋節嘅 Reserve Block 被 call out 飛 San Francisco！因為疫情關係唔可以周圍去，連酒店都唔可以踏出一步，所以今年中秋節就係酒店房獨自食 Burger and Fries。