kiss me before flight

Friday, July 21, 2017

準備投考 Cadet Pilot 問與答


知道好多人準備考 Cadet Pilot 開始時都一頭霧水無從入手,係度同大家分享常見問題同小貼士,希望可以幫到大家解開疑問,早日成功!

*以下為個人意見,並非任何公司 Official 答案*

戴眼鏡可否做機師?

此問題絕對為 FAQ 之最,榮登航空公司的 FAQ 榜首。官方答案係只要矯正到 Acceptable Vision Standard for a Pilot’s Licence 就可以。如何為之 Acceptable Vision Standard?其實係要由醫生判斷,關乎你能否過到 Class 1 Medical Check。依然好忐忑?有無一條 hard line 幾多度就唔得?曾經我都有相同疑問。當年仲係中學生嘅我膽粗粗直接 Send Email 問 CAD,收到的答覆:問醫生。電郵附件香港合資格的 Aviation Medical Examinar List。最直接解開疑慮嘅方法都係去睇醫生啦!

如果堅持好想係 Career Talk 問的話,千析唔好問戴住眼鏡的機師呀 :P

其實有需要戴眼鏡的機師係 on duty 時會帶備後備眼鏡。我自己除了後備眼鏡外,仲有一副配有度數的太陽眼鏡放係 Flight Bag。太陽眼鏡又係另一個被問過的問題,以後再分享。

接受視力矯正手術嗎?

本人有認識朋友接受過視力矯正手術後仍成功入到 Cadet Pilot Programme,但一切請以醫生意見為準。如果有意做視力矯正手術,建議先諮詢合資格 Aviation Medical Examinar 再作決定。

是否需要有一定基礎的航空知識?

作為一個有誠意嘅求職者,去見任何一份工前都應該稍為認識工作背景與相關知識。但記得你投考嘅係機師唔係工程師,無需過份鑽牛角尖。當然你於某範疇有天分,學多一點亦無妨。

該如何入手溫習?應否報讀課程?

個人覺得 ASA 的 The Pilot's Manual Vol 2: Ground School 係一本非常好的入門書,圖文並荗簡單易明。書中亦另外標明較深的 CPL 程度內容,掌握好基本知識之後可以再回頭深入了解。另外亦有必讀的 Pilot's Handbook of Aeronautical Knowledge 同解釋飛行理論非常生動易明的 Boldmethod。每人都有一套自己的學習方法,我覺得好的書或參考資料未必適合你。可以去書局去打下書釘,親自找出適合自己的參考書。

之前都有略略寫過幾個短期課程,有時間有經濟能力甚至好彩報得到當然好。但說到底,溫書最終靠的是自己。有,係 Bonus。無,就自己溫啦!

年過 25 歲,係咪無機會啦?

(咳)我係年過 25 歲入 Cadet Pilot Programme 嘅。而且同班同學都有大約一半人年過 25 歲,甚至有人 30 歲。我無法拍心口保證年齡並非考慮因素,但希望唔好有人僅僅因為年齡問題就直接放棄。成熟穩重都好重要架!

SHARE:

No comments

Post a Comment

Blogger Template Created by pipdig