瞓酒店的惡夢

人在外地酒店房瞓醒，諗起入職初期經常係酒店驚到發惡夢。獨自一個係酒店房最驚嘅唔係鬼（雖然經常聽 Crew 講佢地嘅經歷），係驚收唔到一個重要電話。

每次 Check in 嘅時候，酒店都會提供我地離開當日嘅 Wake up time 同 Pick up time。Pick up time 就係公司提供去機場嘅 Crew bus 車我地去機場嘅時間，基本上係逾時不候。Wake up time 通常會係 Pick up 前一個鐘，酒店會打電話上房確保嘈醒你。

初時未習慣，經常都好擔心聽完電話又瞓返、聽唔到電話響、酒店漏咗打俾我，擔心到發惡夢夢見自己遲咗趕唔切上機。而且呢一切擔心並非杞人憂天！

第一次遇上 MAYDAY

係一個月黑風高只係睇到繁星同漁船燈火的平靜晚上，駕駛艙內一切如常，Radio 間中傳來 ATC 給予不同班機升降或轉方向指令。 雖然並非自己航班的指令，但其實都會留意下內容。一來令自己更加清楚附近環境情況，二來熟習下不同地方 ATC 的口音。突然間留意到有航班回覆 ATC 有 "Technical Issue" 要保持高度。 望一望隊長：「嘩！有咩 Technical Issue？」然後大家都好留心聽 Radio。

準備投考 Cadet Pilot 問與答

知道好多人準備考 Cadet Pilot 開始時都一頭霧水無從入手，係度同大家分享常見問題同小貼士，希望可以幫到大家解開疑問，早日成功！

＊以下為個人意見，並非任何公司 Official 答案＊

機師在忙甚麼？

當空姐空少們在機艙內照顧各位乘客的時候，機師在驚駛艙內做甚麼呢？飛機不是有Autopilot 嗎？無錯，在航程中飛機大多時間都是由 Autopilot 跟住 Flight Plan 飛去目的地，但Autopilot 不會幫飛機躲開那些帶來不穩定氣流的雨雲呀！機師其中一個任務就是要留意天氣情況，確保各位能夠安全抵達目的地。

Dubai 杜拜 / 沙漠之旅 Desert Safari Tour

難得有長 layover 係杜拜，唔搵油王做甚麼好呢？人一世物一世點都應該去一次沙漠！睇過幾間Safari Tour有平有貴，最後都係選擇了Desert Safari Tour。Tour 包酒店 Pick Up、Dune Bashing、騎駱駝、自助晚餐。行程由下午開始，係酒店 Lobby 等 Tour Guide 時有點迷茫，因為整個 Lobby 的人都是在等各自的 Tour Guide，但又只有部份人有識別。結果要自己逐個問是否自己的 Tour Guide，而最後我的 Tour Guide 因為見到我在問人才走過來認領我。

Miss Pilot 機師中的 3%

話說某一日係 Outport 候機室門口等上機，有一對澳洲老夫婦突然問 "Are you the pilot of this flight?" 老實講，當時的確心諗：不會是覺得女機師有問題吧？心中即刻閃過一連串可能對答。結果老夫婦其實係好 Nice 地同我傾下計，間中都會有乘客撩下機師傾計。原來他們今次是第一次去香港，會再去上海同北京。心中第一個念頭：上海北京 = Delay，不過無謂掃兩位興還是把話吞落肚。然後伯伯又問我有無飛 A350，我們又一齊講講 A350，直至地勤人員放行。老夫婦祝我 "Happy Flying"，我祝他們 "Have a nice trip! Enjoy the flight!"　

Melbourne 墨爾本 / 淘金熱後的 Parliament of Victoria

第一次踏足 Melbourne，唔知點解完全無 Plan 過一日 Layover 的行程。深夜到酒店，揭開機場派發的遊 MEL 介紹就決定起身後到附近的 Parliament of Victoria 參觀。非常好彩當日雖然議員們要開會，但依然有兩場 Guided Tour。想參觀要留意開放日期，並非每日都有 Tour。

Becoming a Pilot

還記得上年四月生日還未出發，那時候的生日願望就是「十四個人去，十四個人返」！經過一連串的 Ground School、Flying Phase和考試，願望真的達成了，齊齊整整全班畢業！一年多的 Cadet Pilot 訓練終於完成了，怎樣也該記錄一下吧。

South Australia 南澳／Weekend trip to James Town Air Spectacular

話說兩星期前在 James Town 有個 Air Show，剛好當天也是 Y 同學的生日，全班同學仔就一起來個Weekend Trip 去玩玩啦！因為 James Town 距離 Parafield 超過兩個鐘車程，加上Air Show 很早就開始，我們就決定星期六開車去 Burra 住一晚，星期日早上再開車去 James Town！

Silo 是飛 Nav 認地方的好朋友

由 Parafield 去 Burra 的車程，我們特意選了經 Lochiel 鹽湖的路，這是我們飛 Nav 時很重要的一個 Feature 啊。從機上看到的 Lochiel 很美，就很想在地上也去探訪一趟。一大片帶點粉紅的鹽湖，有滿足到我想去玻利維亞天空之鏡的心願。

學飛筆記 / Level +1

穿著一身整齊西裝，懷著期待的心情一行十四人步上前往 Adelaide 的班機... 已經是一個多月前的事！就連新一班師弟妹也在這個星期到埗，我們 Level +1 要成為師兄師姐了！

回想剛到埗的頭一個星期，時間過得非常慢。星期日到埗，星期一主要是行政手續及添置日用品 Settle Down。星期二就正式開始 Ground School，也被告知下星期就會有第一個考試。對，開課第二個星期就有考試了。但由 Week 2 開始時間好似按了 Fast Forward，每個星期也有一至兩科考試，溫書考試溫書考試，眨眼又過了一個星期。做人廿幾年第一次幾乎日日上完堂會溫書。聽著好似有點Chur，但因為讀的是自己感興趣的其實都 Enjoy。

機師夢的追夢之路

一篇「90 後圓機師夢」新聞引發出成功需父幹之論。其實在香港要成為民航機師不一定要有豐厚家底，兩大航空公司都有 Cadet Pilot Programme 的。只要得到航空公司取錄為 Cadet Pilot，無論家境貧富，訓練費用由公司負擔。至於針對主角的英文能力，都是因為父蔭得以留學海外及就讀國際學校，其實只要你有心，就算如小妹就讀地區中學也能學得好英文，符合國際民航組織對機師的英文要求。對呢，我成功通過了面試，將會開始 Training 了啊！