澳洲必買 item

對我嚟講「澳洲必買 item」唔係木瓜霜，唔係維他命丸，係 Sirena Canned Tuna。當初認識呢個牌子係仲係 Adelaide 受訓時同學仔介紹。唔食由至可，一食就迷上了。

通常我都係用嚟送麵食，出前一丁或者辣雞麵都好襯，又或蛋包呑拿魚都好味。最細 size 一人份啱啱好。

因為呢個牌子比較貴，又唔係經常有減價，曾經買過其他牌子企圖代替佢。結果最鍾意都係佢嘅肉質同味道，仲要係 chili in oil。之後有買過 lite 版同 triple chili 版，都係覺得原版最好味。

曾經同朋友講過，可以經常飛澳洲最開心嘅係可以去買吞拿魚。我諗個朋友應該覺得我痴線。

最近食晒啲存貨好不安，好彩有得飛澳洲。雖然唔可以離開酒店，但感激有網購，成功緊急補貨。