Q for Quarantine，Sydney 的酒店隔離生活

目前 NSW 對海外機組人員採取比以往嚴格的隔離措施。落機後由醫護人員解釋檢疫安排、過關、拎行李，再排隊做痛毒檢測。完成檢測後會貼上大大張紅底白字「Q」字貼紙，由警員帶領行特別通道去搭 Crew Bus 送往指定機組人員隔離酒店。搭上Crew Bus 前大家並不知道酒店安排，連航空公司地勤職員都不知，好有「賣豬仔」的感覺。 

到達酒店門外不可落車，原來大堂有另一間航空公司機組人員未完成入住手續。只可以繼續坐在巴士上等，當時距離 landing 時間已過兩小時有多。頂了一個通宵實在太攰要在位上閉目養神。

警察終於放行，落車拎行李入酒店準備 check in，望錶原來已經 after landing 兩個半小時。

Check in 手續比平時繁複，酒店職員更要額外登記三餐送飯時間。酒店一日三餐由政府資助酒店提供，無選擇，不過如果有食物敏感等特別要求可以提出，亦可於饍食供應時間內要求指定時間。

澳洲必買 item

對我嚟講「澳洲必買 item」唔係木瓜霜，唔係維他命丸，係 Sirena Canned Tuna。當初認識呢個牌子係仲係 Adelaide 受訓時同學仔介紹。唔食由至可，一食就迷上了。

通常我都係用嚟送麵食，出前一丁或者辣雞麵都好襯，又或蛋包呑拿魚都好味。最細 size 一人份啱啱好。

Melbourne 墨爾本 / 淘金熱後的 Parliament of Victoria

第一次踏足 Melbourne，唔知點解完全無 Plan 過一日 Layover 的行程。深夜到酒店，揭開機場派發的遊 MEL 介紹就決定起身後到附近的 Parliament of Victoria 參觀。非常好彩當日雖然議員們要開會，但依然有兩場 Guided Tour。想參觀要留意開放日期，並非每日都有 Tour。