係一個月黑風高只係睇到繁星同漁船燈火的平靜晚上，駕駛艙內一切如常，Radio 間中傳來 ATC 給予不同班機升降或轉方向指令。 雖然並非自己航班的指令，但其實都會留意下內容。一來令自己更加清楚附近環境情況，二來熟習下不同地方 ATC 的口音。突然間留意到有航班回覆 ATC 有 "Technical Issue" 要保持高度。 望一望隊長：「嘩！有咩 Technical Issue？」然後大家都好留心聽 Radio。
隔左一陣，機師又係 Radio 講：「因為有 Hydrualic 問題，有可能要 Declare Emergency。 」 無幾耐機師就以 Hydraulic 系統有問題 Declare "PAN PAN"，同時表示可能有需要關閉第二組 Hydraulic 系統轉為 Declare "MAYDAY"。發出 "PAN PAN" 表示機上有緊急情況，但未至於有即時危險。 而 Declare "MAYDAY" 並非機師想表達自己鍾意五月天。 "MAYDAY" 一字源字法文 m'aider，意思係 "help me"。發出 "MAYDAY" 表示機上有即時危險，生死攸關。ATC 要配合你，其他機都要讓路俾你有 Priority。
短時間內，機師就改以發出 MAYDAY，原因係 Dual Hydrualic Failure，要立即下降及轉飛去最近的機場。隊長表示：「咁大件事？」。Dual Hydraulic Failure 可以導致 Autopilot 失效，需改用人手操作，部份機械操作會比平時慢或失效，機師的工作量會大大增加。
當時 MAYDAY 航班好快被指令轉 Frequency 就聽不到後續發展，好在之後睇返班機都成功安全降落。 雖然唔係自己 Declare MAYDAY，不過都算係目前最驚險的經歷啦！無驚無險安安全全先好呀嘛！
伸延閱讀：
