一架民航機有幾多位機師?


搭飛機有無好奇過係駕駛艙內,有幾多位機師工作呢?一般民航機上,短途航班最少會有兩位機師,當中包括機長(Captain)同副機長(First Officer / FO)。咁飛十幾個鐘長途機又係咪得兩位機師呢?吊頸都要抖氣,更何況要打醒十二分精神的飛行!

長途航班根據飛行時間,會安排三至四位機師輪替工作,包括機長、副機長同二副機長(Second Officer / SO)。雖然駕駛艙前座只有兩個位,但係起飛同降落等飛行階段,其餘機師會坐 Jumpseat 留守係駕駛艙。多個人,多對眼同多個腦嘛!當飛機飛到巡航高度,就會留低兩位機師繼續工作,其餘機師會去休息,一定時間之後再返黎接替工作。作為一個 SO,我就通常都係負責燃燒(所剩無幾嘅)青春係不見天日嘅時間開工。

其實好多時機長都會係廣播介紹當日嘅機組人員,可以細心留意當日有幾多位機師。當然,前題係你真係會聽廣播⋯⋯