kiss me before flight

Tuesday, 26 February 2019

Madrid 馬德里 / 麗池公園水晶宮 Palacio de Cristal


酒店距離麗池公園 El Retiro Park 大約十五分鐘路程,順理成章第一站就去麗池公園!由於主要去睇水晶宮 Palacio de Cristal,一入園就直接向公園中心行。沿路風景都好靚,行幾步就有雕像銅像噴水池,最緊要係唔會人逼人,好有空間感好寧靜。行行下都見到有班人係度跳廣場舞,不過就唔會嘈到拆天。不過個公園真係好大,行極都未到目的地。行到公園中心,終於忍唔住租左架電動滑板車。一來仲有景點要去,二來其實我真係好想玩滑板車。






公園內有幾款滑板車可以租,眼見都有唔少人租黎玩(個公園真係真係好大)。園內見到最多係 Lime 嘅滑板車,玩法同共享單車一樣。下載個 APP,APP 入面會見到滑板車所在地同電量。搵到架車後掃描 QR code 就會Unlock 架車,然後段分鐘計。之前係 Paris 都有租過 Lime 滑板車,Paris 市中心周街都見到,係 Madrid 就似乎係公園同景點附近比較常見。全世界唔少城市都有得租,可以下載定睇下想去嘅地方用唔用到。



踩住架滑板車係公園「飛車」真係好爽!由公園中心踩去水晶宮大約九分鐘,踩到水晶宮門口不禁嘩左聲,好靚!陽光透過大玻璃照入水晶宮,令到成個建築物好似水晶一樣閃閃發光。水晶宮內長期都有展覽,今次係藝術展覽 Invisible。係湖嘅另一邊望返過去,又真係好似一座皇宮。配上紅葉,真係點影都靚。










影影下小朋友好堅持要入鏡




SHARE:

No comments

Post a Comment

Blogger Template Created by pipdig