kiss me before flight

Wednesday, 13 December 2017

Vatican 梵蒂岡 / 聖彼得大教堂 St. Peter's Basilica


作為一個由幼稚園到大學都讀教會學校的學生,我係梵蒂岡見到教宗呀!星期日的梵蒂岡早晨尚算寧靜,大約九點左右去到聖彼得大教堂 St. Peter's Basilica 人流都唔算太多,過安檢都好快完成可以直接入去大教堂。剛步入大教堂範圍就已經被門口天花的裝飾吸引住,影左好耐相先行到入去。

入到大教堂內,Wow。各種裝飾、雕像都非常精緻華麗,即使本身對藝術/宗教不太認識都不禁要慢慢欣賞。門口聖水缽的小天使栩栩如生。入口右邊擺放住米開朗基羅的作品《聖殤 Pieta》,展示聖母抱住剛從十字架卸下的耶穌。











參觀完大教堂又係時候攻頂,出發上圓頂。上圓頂有兩種入場費:(一)全程走樓梯;(二)電梯再走樓梯。價錢相差 €2 ,我就毫不猶疑地選擇(二)。搭一程電梯後其實都要爬好一段樓梯先上到頂。樓梯頗窄,而且因為圓拱型不能企直行。沿路無休息位,一路走一路聽到此起彼落的喘氣聲(包括我自己)。上頂中途可以俯瞰大教堂內部,個景觀非常震撼。而爬到上頂就可以俯瞰 St. Peter's Square 及羅馬全景。















本來打算返回地面就去食午餐,一離開大教堂就見到好多人聚集而且面向同一方向,先醒起好似今日會見到教宗!等到中午十二點,教宗就係露台露面,現在歡呼聲四起。教宗應該係做左個禱告但唔係講英文,我一隻字都聽唔明。雖然聽唔明禱告而且唔係教徒,但(遠遠地)見到教宗一面都算係個 Achievement Unlocked 吧?









SHARE:

No comments

Post a Comment

Blogger Template Created by pipdig