輕鬆了兩天該做點運動！今次去首爾其中一樣最期待的活動就是滑雪！兩個人都是第一次滑雪，又不想花太多時間在交通上，所以就上網預約了芝山一日滑雪團，包交通、裝備同新手入門課程。天未光到集合處等教練，然後就出發去滑雪場啦！車程大約一小時，差不多到滑雪埸附近會去裝備用品店換滑雪裝束同買需要用品。滑雪手套本身已經自備了，但天氣好凍要買面巾擋一擋風。大家都準備好就去數分鐘車程的滑雪場。
去到滑雪場要再換鞋，以為自己已經較得夠緊，但教練一較，呀～好緊好痛 =____=" 大家準備好裝備同買好纜車Pass 就開始上堂，我覺得教練都教得幾好，由起步、剎停、跌倒後起身姿勢都有教，起碼可以自己照顧到自己。練習期間隔離團其中一個女仔尖叫住失控溜了過來，當然自己練習都有仆倒的時候啦。
滑雪場有 Food Court，上層有Burger King 同拉麵，下層有韓式食物。食邊間不是重點，重點是要鬆鬆對鞋俾雙腳休息下。
食完午餐就到自由活動時間，搭纜車上第二條入門斜坡。呀，第一次滑落去不太減到速，本身同暉一齊起步結果幾乎以全速衝落坡直落，然後係山腳撞埋側邊的軟墊甩埋甚中一塊版安全到達......邊度跌倒邊度起返身，起身執好裝備再去排過隊上山。之後好好多啦，控制到速度又避到人，還可以直接滑到纜車隊隊尾慳水慳力。最後都玩到四次才夠鐘還裝備歸去。滑雪好累但好好玩，說好了要每年都一齊去滑雪啊！
返到明洞又到今晚食乜好時間，今次又臨時改變計劃留在明洞，找了 Jogabi SEAFOOD BAR & RESTAURANT 食海鮮，點了最大份的 Speical 蒸海鮮鍋同海鮮煎餅。海鮮煎餅好好味，蒸海鮮鍋都不錯，不過同樣價錢我們兩個都覺得去食燒肉開心點 XD
조가비 Jogabi Seafood Bar & Restaurant
地址：명동1가 38-1 Seoul
