網上見到有 shu uemura 同 Pokemon crossover 出 Pikachu 嘅彩妝好想買，當時只見日本要 11 月先正式發售，本身都諗住有緣會去日本就買啦。點知早幾日快閃台北兩日一夜時，偶然發現台灣 搶先推出其中一部分商品，仲要係本身就計劃要去嘅 Sogo 店。緣份嘅野，真係話黎就黎。
本身網上資料係台灣搶先發賣唇膏系列，去到專櫃櫃姐表示化妝掃 set 同睷毛夾都有貨，「台灣有貨就先賣了啊」。 Well 咁有緣我就唯有帶埋你地走啦 / v \
化妝掃套裝一 set 4枝，有 Face Brush、Cheek Brush、2 枝 Eye Shadow Brush。化妝掃嘅毛好滑，效果未用未知。掃柄有 Pikachu 圖案，不過最靚都係掃袋，Size 好適合帶去旅行用。
唇膏方面因為當時台灣已經開賣一星期，部分顏色已 Sold Out。最後揀左台灣大推的 Pumpkin Buzz 南瓜色，今季 A/W 好興南瓜色啊。用上嘴好顯色都幾橙，個人喜歡薄薄上色就夠。
人生第一個睷毛夾就係 shu uemura 啊，當年就聽人介紹 shu uemura 好好用。多年經驗後感覺又真係 shu uemura 最合眼型。所以今次有埋 Pikachu 吊飾就毫不猶疑入手！
同系列其他彩妝都好靚，不過眼影已經有好多盤而且當時台灣亦未有貨。最近好迷 SUQQU 的眼影 Palatte 同 Blush，所以，暫時，應該，會 Pass。應該…掛…
No comments
Post a Comment