kiss me before flight

Tuesday, March 26, 2019

San Jose 聖荷西 / Apple Park · Googleplex · NASA Ames Visitor Center


作為一個果粉,第一次去 San Francisco 最想去的不是 Golden Bridge Gate,而係去 Apple 總部 Apple Park 朝聖!順路還有 Google 總部 Googleplex 和 NASA Ames Visitor Center,來個朝聖之旅! 



由 San Francisco 揸車去 Apple Park 大約一小時,大部份時間係高速公路,沿路風景好靚,好Enjoy 呢段車程。Apple Park 有大量車位,室內停車場會有職員問有無職員證,訪客會指示去指地方泊車。







Apple Park 只准員工進入,除非有朋友係員工可以帶入去,訪客就只可以去 Apple Park 外的 Visitor Center。Visitor Center 有兩層,地面有展覽區、商店同 Cafe,樓上天台可以睇到Apple Park 全景。由天台望過去,雖然只可以望到外圍,但成個 Apple Park 同附近環境好融合,好寧靜同 Peaceful,絕對可以係度坐一日。職員都好主動幫手影相,不過除左用普通 Mode 影,仲會用埋 Portrait 同 Pano Mode 影,大概都想充分發揮下 iPhone 的影相 Mode,而且仲真係影得幾靚! 






地面展覽區有整個 Apple Park 的模型,利用現場的 iPad 可以 AR 去了解 Apple Park。商店除一般產品同 Workshop 外,最重要係有獨家限定紀念品!例如 T-shirt、帽、Tote Bag,我覺得最靚係白底彩字 "Hello" 款T-shirt,可惜斷碼買唔到,不過都揀左其他幾款俾自己同老公。揀 T-shirt 其間聽到職只同另一位客人講可以去埋 1 Infinite Loop 的舊總部 Apple Campus 的 Apple Store,兩間的限定紀念品唔同款!於是乎買完 Apple Park 的紀念品就出發去 Apple Campus,因為不經不覺已經係 Apple Park 逗留了兩個鐘!揸車過去幾分鐘就到,直接衝入 Apple Store。呢間的 T-shirt Design 比較 Geeky 呢,好合我口味,哈哈!兩間的紀念品真係完全唔同,一定要去晒兩間買!






尤記得大學第一堂 Professor 就同我地講 "Google is your best friend.",Google 係我生活中好重要的一部份,自然都應該去 Googleplex 朝聖一下。由 Apple Park 去 Googleplex 大約二十五分鐘車程,而且係回程方向好順路。Googleplex 係問訪俾公眾入去,不過辦公大樓就當然遊人止步。園內環境好優美,仲有人打緊排球!如此工作環境真係羨慕死人。附近的 Android Lawn Statues 都係影相景點,全部 Android 造型根據 Android 歷代 OS 代號。影完相就可以去隔離的 Merchandise Shop 買 Google 的紀念品啦!








係 Apple Park 同 Googleplex 之間仲有 NASA Ames Research Center。由細到大都到太空感興趣,曾經有諗過做太空人!細個仲會係 NASA 搵圖片印出黎攝係包書膠做封面。理所當然都要去行下。But again,Research Center 就入唔到啦,不過可以去 Visitor Center 參觀。Visitor Center 內有返回地球的 Capsule 同太空衣等展品,少不得都有好多紀念品可以買返屋企啦!呢個 Trip 買紀念品買到 Allowance 都唔夠 Cover。









值得紀念係今次係第一次無人陪伴下係屋企附近以外自己一個揸車。雖然路程有點小插曲,例如:幾次出錯路口、左軚車想打燈但開左水撥,不過 Solo Nav Drive 成就解除好滿足!
SHARE:

1 comment

  1. Before machining, the origin, software parameters, offset amount and varied compensation values within the machining program must even be enter. CNC machining course of is efficient and computer-led, it is straightforward to mass produce heaps of|to keep away from wasting} time. For many corporations, means to|tips on how to} expand scale whereas maintaining good profit margins is a problem. high precision machining CNC machining ensures that the products produced are constant to fulfill high quality control pointers. Human operation error is a common safety hazard, which may result in accidents, so is not a|there isn't any} want to fret.

    ReplyDelete

Blogger Template Created by pipdig